Հայաստան է ժամանում աշխարհահռչակ երաժիշտ Ջո Քոքերը

Հոկտեմբերի վերջին Հայաստան կժամանի աշխարհահռչակ երաժիշտ Ջո Քոքերը։ Այս մասին հայտնել են «Ամերիբանկի» մարքեթինգի բաժնից։ Երաժիշտը Հայաստան կժամանի ընդամենը մեկ օրով, համերգը կկայանա հոկտեմբեր ամսվա վերջին։ «Թեպետ դեռեւս պաշտոնապես չենք հայտարարել, թե համերգը երբ եւ որտեղ է կայանալու, սակայն հաստատ է, որ Քոքերը Հայաստան է ժամանելու այս ամսվա վերջին։ «Երբ լրատվամիջոցների համար համապատասխան տեղեկություն տարածենք եւ գովազդային ակցիաներ սկսվեն, այն ժամանակ էլ հնարավոր կլինի մանրամասնորեն պատասխանել բոլոր հարցերին»,- նշեցին «Ամերիբանկից»։ Նշենք, որ աշխարհահռչակ երաժիշտը Հայաստանում կլինի «Ամերիաբանկի» հրավերով: Ստեղծագործական դժվար ուղին սկսելով դեռեւս 60-ականներին՝ կարճ ժամանակ անց Քոքերը գրավեց ողջ Եվրոպան ու երկու Ամերիկաները։ Այժմ նա ժամանակակից ամենահեղինակավոր ռոք-աստեղերից է։ Երգչի դեբյուտը տեղի է ունեցել 1964 թվականին` Ill Cry Instead երգով։ Բլյուզ եւ ռոք ժանրերում ստեղծագործող Ջո Քոքերը, սակայն, լսարանին առավել հայտնի է իր You Can Leave Your Hat On, My Father’s Son, Unchain My Heart, N`oubliez jamais ստեղծագործություններում։ Նրա Up Where We Belong երգը 1982-ին ներկայացվել է Օսկարի մրցանակաբաշխությանը, ինչպես նաեւ նրան դարձրել Grammy-ի մրցանակաբաշխության հերոս։
 Հավելում.
Հոկտեմբերի 26–ին Դեմիճյանի անվան մարզահամերգային համալիրի համերգային դահլիճում համերգով հանդես կգա աշխարհահռչակ երգիչ Ջո Կոկերը։ Այս տեղեկությունը տեղադրված է Vibrographus ընկերության կայքում։ Երգիչը Երևան կժամանի իր Hard Knocks Tour համաշխարհային շրջագայության շրջանակում։