Կրթության եւ գիտության նախարար Արմեն Աշոտյանը լավ կլիներ, որ իր տեսուչներին ուղարկեր Չեխովի անվան դպրոց. «Էլիտար համարվող այս դպրոցում են ուսանում բարձրաստիճան եւ ունեւոր անձանց զավակները, այն հայտնի է ուրույն բարքերով։ Մասնավորապես ամենամսյա գումարների հանգանակությունը հասնում է աստղաբաշխական թվերի»։ Տնօրեն Գայանե Սարուխանյանն օրերս մտել է դասարաններ ու հրահանգել, որ յուրաքանչյուրը 100 հազարական դրամ հավաքի՝ դպրոցը վերանորոգելու նպատակով։ Այս հարվածին չեն դիմացել անգամ հարուստ ընտանիքների մայրիկները եւ գումարի չափից այնքան են վրդովվել, որ սպառնացել են երեխաներին այլ դպրոցներ տեղափոխել ու բողոքել։ Դժգոհ ծնողներից մեկը պատմել է, որ երբ Երեխայի «գործերը» Չեխովի դպրոց է տարել, առաջին հերթին հետաքրքրվել են՝ VIP դասարա՞ն է ուզում, թե՞ սովորական:
No comments:
Post a Comment