Մոսկվայի արդեն նախկին քաղաքապետ Յուրի Լուժկովը, ըստ տարբեր լուրերի, կանգնած է ունեցվածքի զգալի մասը կորցնելու վտանգի առջեւ։ Մոսկվայի բարձրագույն իշխանություններն, ըստ թերթի, այս օրերին զբաղված են Լուժկովի ունեցվածքի փաստացի հաշվառմամբ։ Ռուսական հեռուստաընկարություններից մեկն օրերս իր ներկայացուցիչներին է ուղարկել Հայաստան՝ նկարահանելու Լուժկովի ունեցվածքը։ Նույն աղբյուրների համաձայն, Լուժկովը Հայաստանում հողեր ունի Արտադատում, Նորագյուղում, ջրավազաններ՝ Արմավիրում եւ այսպես շարունակ, որոնք ամբողջությամբ նկարահանվել են։ Այդ ամենում, ըստ ամենայնի, մասնակցություն ունի Երևանի քաղաքապետ Չոռնի` Գագիկ Բեգլարյանը: Բացի այդ, նշվում է, որ ռուսական 5 բանկերում մոտ 5 տասնյակից կազմված ընկերությունների ցուցակ է ներկայացվել, որոնց հետ առնչվող որեւէ զործարք առայժմ որեւէ ձեւով չպետք է կայանա։ Նշվում է, որ այդ ընկերություններից շուրջ 15-ը հայկական են։ Դրանք, ըստ ամենայնի, պատկանում են Հայաստանի չինովնիկական էլիտային, որոնք Լուժկովի տանիքի ներքո Հայաստանում եւ նրա սահմաններից դուրս բիզնեսներ են արել։ Փաստացի վտանգված է նաեւ այդ ընկերությունների գործունեությունը:
No comments:
Post a Comment