Բրազիլիայում խորհրդարանի ստորին պալատի ընտրություներում պատգամավորի աթոռի համար պայքարում է մասնագիտությամբ ծաղրածու Ֆրանսիսկո Սիլվան, որը, սակայն, այդ ճանապարհին բազմաթիվ խոչընդոտերի է հանդիպել. նա պետք է ապացուցի, որ գրել և կարդալ գիտի։ The Independent–ի փոխանցմամբ, նրա գրագիտության վերաբերյալ կասկածներ են առաջացել սեպտեմբերի 26–ին, երբ բրազիլական Ероса ամսագիրը գրել էր, որ Ֆրանսիսկոնգրել և կարդալ չգիտի։ Պարզվել է, որ ամսագրի լրագրողը թեկնածուից խնդրել է թերթիկից քաղաքականության վերաբերյալ հարցեր կարդալ, վերջինը շփոթվել է, սկսել է կակազել, ապա դիմել է իր օգնականներին, ովքեր նրա համար կարդացել են այդ հարցերըԴատարանը թեկնածուից պահանջել է անցնել գրագիտության թեստ, և քանի դեռ նա չի ապացուցել, որ կարող է կարդալ և գրել, նա չի կարող պաշտոն զբաղեցնել, քանի որ բրազիլական օրենսդրության համաձայն, անգրագետ մարդը չի կարող դառնալ իշխանության ներկայացուցիչ։ Հիշեցնենք, որ նա առ այսօր համարվում է պատգամավորի ամենաժողովրդական թեկնածուն. հարցումները ցույց են տվել, որ նրա օգտին պատրաստ է քվեարկել ավելի քան 1 մլն մարդ։Նշենք, որ Բրազիլիայի խորհրդարանի ընտրությունները տեղի են ունենալու կիրակի՝ հոկտեմբերի 3–ին
No comments:
Post a Comment