Դերասան Սերգեյ Դանիելյանը դատի է տվել «Հարավկովկասյան երկաթուղի» ՓԲԸ-ին: Օգոստոսին նա կնոջ հետ մեկնել է Քոբուլեթի, ու գնացքում պարզել է, որ այդ նույն տեղի համար տոմսերը երկու անգամ են վաճառել: Իսկ վերադարձի տոմսերի վրա գրված է եղել, որ գնացքը շարժվելու է 1. 24-ին, սակայն շարժվել է ժամը 1.00-ին: «Ճամպրուկները ձեռքներիս մնացել էինք շվարած, շորտերով վազում էինք գնացքի հետեւից, հետո նստեցինք տաքսի եւ հասանք Ուռեկի»,- պատմում է դերասանը եւ ավելացնում, որ իրենք հանգստանալու տեղը անհանգստացել են: Երբ այդ մասին դերասանը տեղեկացրել է երկաթուղու ղեկավարությանը, պատասխանել են, որ բացի ներողություն խնդրելուց ոչինչ չեն կարող անել: Այժմ «Հարավկովկասյան երկաթուղուց» դերասանը պահանջում է վերադարձնել իր տոմսերի գումարը մոտ 45.000 դրամ եւ հրապարակային ներողություն խնդրել: Սերգեյ Դանիելյանը նաև կոչ է անում, բոլոր քաղաքացիներին պաշտպանել իրենց իրավունքները` վստահ լինելով, որ «մինչեւ քթները չտրորես եւ չպահանջես, ոչինչ չի փոխվի»:
No comments:
Post a Comment