Թուրքական «Հզոր Թուրքիա« կուսակցության նախագահ Թունա Բեքլեւիչը, ում օրերս առաջարկել էին լքել Հայաստանի տարածքը՝ սահմանը հատելու մասին հայտարարություններից հետո, թերթի հետ զրույցում մանրամասն նկարագրել է, թե ինչ է իրենց հետ կատարվել Երեւանում: «Հոկտեմբերի 29-ին մենք վերադարձանք հյուրանոց մոտավորապես ժամը 13-ին՝ մեր հետագա անելիքները ծրագրելու եւ պատրաստվելու տարբեր հեռուստաալիքներին նախապես նախատեսված հարցազրույցներին: Միջանցքում հայտնվեցին շուրջ 5-6 հոգի, որոնք ներկայացան որպես Հայաստանի ազգային անվտանգության ծառայության աշխատակիցներ եւ խնդրեցին հետեւել իրենց: Նրանք շատ սիրալիր էին եւ բարեհամբույր մեր հանդեպ: Մեզ նաեւ թարգմանիչ տրամադրեցին: Մեզ ողջունեց Ազգային Անվտանգության ծառայության պետը, որը մեզ հարցեր ուղղեց հոկտեմբերի 10-ին Թուրքիայից Հայաստանի սահմանը հատելու մեր հայտարարության վերաբերյալ: Սենյակում որոշ ժամանակ պահվելուց հետո մեզ «խնդրեցին» անհապաղ լքել Հայաստանի տարածքը: Նրանք հետեւեցին մեզ, մինչեւ մենք հատեցինք սահմանը: Սահմանը հատելու թեման այժմ փակ է մեզ համար, եւ մենք չենք պատրաստվում այս խնդրին կրկին անդրադառնալ»,- ասել է Բեքլեւիչը:
No comments:
Post a Comment