Նախօրեին գիշերը «Սասուն» ջոկատի հրամանատար, քաղբանտարկյալ Սասուն Միքայելյանի առողջական վիճակը հերթական անգամ կտրուկ վատացել է։ Բարձրացել է Սասուն Միքայելյանի արյան ճնշումը, ինչն ազդել է նրա սրտի աշխատանքի վրա։ «Դատապարտյալների հիվանդանոց» ՔԿՀ-ի վարչակազմը նրան բժշկական օգնություն ցույց տալու նպատակով շտապօգնություն է կանչել։ Անազատության մեջ գտնվելու ընթացքում քաղբանտարկյալը մեկ անգամ արդեն սրտի վիրահատություն է տարել։ Սակայն նրա առողջական վիճակը այդպես էլ չի կարգավորվում։ Միքայելյանի որդին՝ Մեխակը, «Հայկական ժամանակի» թղթակցի հետ զրույցում ասել է, որ երեկվա դրությամբ քաղբանտարկյալի առողջականը շարունակում էր մնալ նույնը, և դրական տեղաշարժ չի նկատվում։
No comments:
Post a Comment