Վրաստանը Ռուսաստանին մեղադրել է Հարավային Օսիայի սահմանագծում նոր տարածքներ բռնազավթելու համար։ Վրաստանի ՆԳՆ տարածած հաղորդագրության համաձայն՝ ՌԴ անվտանգության դաշնային ծառայության ստորաբաժանումները տարածքի անօրինական սահմանաբաժանում են իրականացնում, այսինքն` անօրինական սահման են ֆիքսում։ ՆԳՆ տվյալներով, ապօրինի սահմանաբաժանումը տեղի է ունենում Շիդա Կարտլիում, մասնավորապես, Գորիի շրջանում։ Ըստ ՆԳՆ հայտարարության, Կվեմո Նիկոզի գյուղում բռնազավթվել է 25 հեկտար, Արբո գյուղում՝ 5 հեկտար,Կորդիում՝ կես հեկտար գյուղատնտեսական տարածքներ։ Նույն հաղորդագրության համաձայն, Դիցի գյուղում ապօրինի սահմանաբաժանման արդյունքում հակառակ կողմում են հայտնվել երեք ընտանիքի տներ, մեկ տան այգու կեսը, նաև արոտավայրը, ոռոգիչ ջրանցքը, նոր փորված հորատանցք։ «Այս պահին անօրինական սահմանաբաժանում է տեղի ունենում նաև Զեմո Նիկոզի գյուղում»,– հայտարարում է Վրաստանի ՆԳՆ–ը։ Վրաստանի ՆԳՆ Շիդա Կարդլիի շրջանային վարչության առաջնորդ Վադիմիր Ջուգելին հայտնել է, որ այդ հարցերի շուրջ վրացական կողմը հանդիպում է ունեցել ռուսական կողմի հետ, ովքեր հանդիպմանը բերել են 1984թ. քարտեզ՝ վստահեցնելով, որ «այդ ժամանակ (1984թ.տվյալներով-Tert.am) այդ տարածքները գտնվել են Հարավային Օսիայի կազմի մեջ»։ Մենք մեր կողմից հայտարարում ենք, որ նրանց գործողություններն անօրինական են»,– ասել է Ջուգելինը։ Նշենք, որ Հարավային Օսիայի նախագահի լիազոր ներկայացուցիչըՎրաստանի ՆԳՆ այդ հայտարարությունը «հիմարություն» է անվանել՝ հրաժարվելով մեկնաբանել այն։
No comments:
Post a Comment