Բանից պարզվում է` անցյալ տարի Ռուսաստանի կողմից Հայաստանին տրամադրված 500 միլիոն դոլար վարկից 40 միլիոնը տրամադրվել է «ՀայՌուսգազարդ» ընկերությանը: Խեղճ «ՀայՌուսգազարդի» գործերն իսկապես ահավոր վատ են: Այդ ընկերությունը Ռուսաստանից գազը բերում է 180 դոլարով եւ բնակչության վրա վաճառում ավելի քան 2 անգամ թանկ` 366 դոլարով, էլ որտեղի՞ց շահույթ ունենա: Որիշ բան` մեկին երեք գնով վաճառեր, բայց ընդամենը կրկնակի է վաճառում, չէ՞: Եվ, բնականաբար, Հայաստանի կատավարությունը պետք է պատշաճ հոգածություն ցուցաբերի «հազիվ ծայրը ծայրին հասցնող» նման ընկերությունների նկատմամբ: Մանավանդ, որ համ Ռուսաստանն է Հայաստանի «ռազմավարական գործընկերը», համ էլ Կարեն Կարապետյանը` Սերժ Սարգսյանի: Ի դեպ, այդ գումարը «ՀայՌուսգազարդին» պարտքով են տվել, այն էլ` տոկոսով: Իսկ որտեղի՞ց պիտի «ՀայՌուսգազարդը» վերադարձնի այդ պարտքը: Ճիշտ է, վարկի մարման գումարը կներառվի (արդեն ներառվել է) գազի սակագնի մեջ: Ահա եւ ստացվում է, որ իրենք իրենց պարտքով փող են տալիս, իսկ վճարողը միշտ լինում է ժողովուրդը: կարեւորը, որ այդ ամենը կոչվի «հակաճգնաժամային ծրագիր»:
No comments:
Post a Comment