Կան փաստաթղթեր, որոնք, ըստ էության, հաղորդում են քրեական հանցագործության մասին։ Սույն ծառայողական փաստաթղթերը վկայում են, թե ինչպես ՀՀ պատկան մարմինները կարող են մի որոշում կայացնել, իսկ օրեր անց ուղիղ հակառակ որոշումն իրագործել։ Անցած երկուշաբթի օրը Լոս Անջելեսում Հայաստանի հյուպատոսության նախկին աշխատակից Հակոբ Հովհաննիսյանը, որը նույն քաղաքում ՀՀ նախկին հյուպատոս Նորայր Ղալումյանի եւ եւս 3 հայ դիվանագետների հետ ԱՄՆ իրավապահ մարմինների կողմից մեղադրվում է հայ ներգաղթյալներին կեղծ փաստաթղթեր վաճառելու համար, ԱՄՆ դատարանում ընդունել է իր մեղքը։ ԱՍՆ պատկան մարմինները, ինչպես ժամանակին գրեց ամերիկյան մամուլը, հայտարարեցին, թե այդ անձինք հայ ներգաղթյալներին «կեղծ փաստաթղթեր տրամադրելիս կապ են ունեցել Հայաստանի կառավարության պաշտոնյաների հետ»: Նույն մամուլը, հղում անելով ԱՍՆ իրավապահ մարմիններին, նշում էր նաեւ, որ այդ կեղծ փաստաթղթերը վաճառվել են յուրաքանչյուրը 25-35 հազար դոլարով։ Կան Ծառայողական փաստաթղթերից ակնհայտ է դառնում, որ ՀՀ ԱԳՆ-ում, գոնե որոշ դեպքերում, խիստ լավատեղյակ են եղել նման գործարքների մասին։ Ավելին, որոշ փաստաթղթերի տակ կա ՀՀ ԱԳ նախարար Էդվարդ Նալբանդյանի ներկայիս խորհրդական Դավիթ Սարգսյանի ստորագրությունը, նույնիսկ՝ ձեռագիր հրահանգը, թե ինչպես վարվել տվյալ ներգաղթյալի հետ:
No comments:
Post a Comment