27-ամյա կնոջը բռնաբարելու համար Սարանսկի բնակիչը հատուցել է սեփական կյանքով: Զոհի քաղաքացիական ամուսինը՝ հայաստանցի 21–ամյա Գոռ Գյարգրցյանը, իր կնոջը բռնաբարողին սպանել է՝ սրտի շրջանոմ 5 հարված հասցնելով։ Գոռ Գյարգրցյանն իր սիրելի կնոջ և ընկերների հետ ուրախ ժամանակ է անցկացրել Белый медведь ժամանցային համալիրում։ Առավոտյան զույգը վիճել է և աղջիկն ուղևորվել է Կենտրոնական շուկա ՝տաքսի նստելու նպատակով։Ճանապարհին նրան է միացել 38–ամյա Վլադիմիր Ռիբակովը, որն իր մի քանի ավտոմեքենաները վարձակալությամբ տվել է տաքսի ծառայությանը։ Տաքսի նրանք նստել են միասին, տղամարդը համառորեն համոզել է աղջկան շարունակել շփումը, գիշերային ակումբ է հրավիրել, խոստացել է երկնքից լուսինն իջեցնել։ Մեքենայի մեջ նրանք սկսել են վիճել, վարորդը վիճաբանողներին իջեցրել է Саранск հյուրանոցի մոտ։ Վլադիմիրը վարդ է նվիրել աղջկան՝ առաջարկելով նրան տուն ուղեկցել։ Աղջիկը համաձայնել է, սակայն տուն ուղեկցելու փոխարեն տղամարդը նրան տարել է Սարանսկի շրջանի Իվանկովա գյուղում գտնվող իր եղբոր տուն և բռնաբարել նրան։ Կինը կարողացել է ազատվել նրանից միայն առավոտյան ժամը 8–ին, լացակումած տուն է եկել և պատմել ամուսնուն կատարվածը։ Նրանք ուղևորվել են Իվանկով, որտեղ Գոռը Վլադիմիրին սպանել է՝ սրտի շրջնում դանակի հինգ հարված հասցնելով։ Մի քանի օր անց ՆԳՆ քրեական հետախուզության աշխատակիցները ձերբակալել են Գոռ Գյարգրցյանին։ Այժմ նա կալանքի տակ է և պնդում է, որ սպանությունն իրականացրել է աֆեկտի վիճակում։
No comments:
Post a Comment