Առաջնորդների երկիր Հայաստանս

 Ո±վ չի ուզենա լինել առաջնորդ, այն էլ` Հայաստանում, ուր միայն ՙէլիտար՚ առաջնորդներն են օգտվում կյանքի բարիքներից ու իրենց դրսևորում հասարակական - քաղաքական գրեթե բոլոր ոլորտներում: Մինչև հիմա Հայաստանում առաջնորդ էին դառնում առանց սովորելու, նույնիսկ առանց դիպլոմի` ավելի շուտ դառնում, հետո` դիպլոմ են գնում փաստաթղթերի տեսականին համալրելու համար. ՙՄարդ ես, պետք կգա՚: Նրանց կողքին կան միամիտներ, ովքեր մտածում են, թե առաջնորդը սովորելով է լինում, այն էլ` ընդամենը մեկ տարի, այն էլ` ընդամենը մեկ անգամ և ... դու արդեն առաջնորդ ես: Բանն այն է, որ Հայաստանում գործում է ո’չ ավել, ո’չ պակաս Առաջնորդության դպրոց, որտեղ մեկ ուստարվա համար 200 հազար դրամ վճարելով կարելի է դառնալ առաջնորդ: Եթե իհարկե դառնում են:

Նրանց ավարտական միջոցառմանն էինք ներկա, որը միևնույն ժամանակ բաց դաս էր, որտեղ տնօրեն - դասախոսը ներկայացնում էր, թե որքան հարափոփոխ ու հարաճուն է կյանքը, սակայն դիպլոմներ էր հանձնում դասերը սերտած երիտասարդներին: Նրանք, ի դեպ, տարբեր բուհերն ավարտելուց հետո են հայտնվում այստեղ, նաև` Հայաստանում Ամերիկյան համալսարանից, կամ` ավելի ճիշտ կլինի ասել` կուլ տալիս խայծը: Դպրոցի հիմնադիր, Հոգաբարձուների խորհրդի նախագահ Սամվել Մովսիսյանը մեզ հետ զրույցում մասնավորեց, թե Առաջնորդության դպրոցը ո’չ կրոնական, ո’չ քաղաքական կառույց է: Մեր պարզ հարցին, որ նախորդ օրը շարադրում էինք ավարտական միջոցառմանը շտապած ապագա առաջնորդներն ու նրանցից միայն Դավիթ Հովհաննիսյանը հասկացավ ու իբրև Հայաստանի առաջնորդի կերպար առանձնացրեց Ռալֆ Յիրիկյանին, հետո էլ` հիշեց Տիգրան Սարգսյանին, ապա Սամվել Մովսիսյանի կարծիքով, ՙՀայաստանում, ցավոք սրտի, չկա իմ պատկերացրած խարիզմատիկ առաջնորդը՚: Այսպես` առաջնորդների կողմից էլ ամուլ մեր հասարակությունում միակ այդպիսի առաքելությունը, որ ստանձնել են` էդ իրենք են որ կան:
Պատկերացնո±ւմ եք, թե կյանքը որքա~ն դժգույն կլիներ, եթե հայկական իրականությունում և ոչ ոք չզբաղվեր առաջնորդներ պատրաստելու սուրբ գործով, մինչև հիմա առավել ակտիվները վերընյութի` երիտասարդական խորհրդարանում են, մյուսներն` ուսանում են և հաստատ կփոխարինեն նրանց: ՙԱյս առաջնորդները հավատում են Հայաստանի ապագային, ուժեղ են, չեն վախենում և իրենց գործերով են ամեն ինչ փոխելու են դեպի լավը, այլ ոչ թե` առաջնորդներ, ովքեր կարողանում են լավ խոսել, բայց գործ չանել՚,- բնորոշեց Սամվել Մովսիսյանը: Դպրոցի վաղ երիտասարդ ղեկավարը համոզված է, որ իրենց շրջանավարտները ՙհեղափոխություն՚ կիրականացնեն Հայաստանում: Նրանք աշխատեցնում են նաև ՏՏ դպրոց ...