ՙՌ. և Պ. Սկէնառ՚ առողջության վերականգնման կենտրոնը, որ գործում է Երևանի Գրիգոր Լուսավորիչ բժշկական կենտրոնի առաջին հարկում, ստեղծվել է 2003 թ.-ին, մինչ այդ սկէնառ սարքը կենտրոնի տնօրեն Ռուբեն Հարությունյանը ներդրել է Հայաստանում և աստիճանաբար զարգացնելով ստեղծել կենտրոն: Նրա հետ զրուցում ենք նորագույն այս բժշկական մեթոդի, արդյունքների ու ծրագրերի մասին:
- Պարոն Հարությունյան, նախ ներկայացրեք խնդրեմ ՙՍկէնառ՚ առողջության վերականգնման կենտրոնը, ի±նչ բուժծառայություններ եք առաջարկում քաղաքացիներին:
- Մենք նոր մեթոդներ ենք ներդրել Հայաստանում, որը չկա այլ բժշկական կենտրոններում: Դրանք, օրինակ, սարքավորումներն են. ՙՕԲԵՐՈՆ՚-ը, որը էլեկտրոռեզոնանսային դիագնոստիկայի մեթոդ է: Այն նոր ուղղվածություն է բժշկության մեջ` պոստուռոլոգիա է /կապված չէ ուռոլոգիայի հետ - Ռ.Հ./, ողնաշարի ուղղաձիգ դիրքի կառուցվածքն ենք որոշում` սկսած ներվային համակարգից, և կարողանում ենք ախտորոշել ու վերականգնել: Այն դրական ազդեցություն է ունենում նևրոզների, դեպրեսիաների, ինսուլտային բարդությունների, մնացորդային երևույթների, հենաշարժական ապարատի խանգարումների դեպքում:
Հաջորդը` ՙՉԱԿՐԱ՚ սարքավորումն է /կապ չունի չակրա էներգետիկ դաշտերի հետ - Ռ.Հ/, որով կարողանում ենք մարդու մոտ ախտորոշել տեսողական և լսողական հաղորդակցության շեմը, և եթե կա խանգարում` բուժել:
Հաջորդը` ՙՏեստոթերապիան՚ է` գլխուղեղի միջոցով կարողանում ենք վերականգնել և’ տեսողական, և’ լսողական, և’ սրտանոթային համակարգերի հիվանդությունները, ինչպես նաև` հեպատիտները: Այս սարքը բավական մեծ հնարավորություններ ունի, որից ի դեպ, հայաստանյան բժիշկների մեծամասնությունը տեղյակ չէ:
Հաջորդը` ՙՆովապրոլն՚ է: Մարդու գլխուղեղի վրա ձայնալուսային ազդեցություն թողնելով` մենք կարողանում ենք բուժել այնպիսի հիվանդություններ, ինչպիսիք են` սթրեսները, նևրոզները, դեպրեսիաները, ինչպես նաև` մաշկային զանազան հիվանդություններ:
Յուրաքանչյուր տարի մենք ներդնում ենք նոր սարքավորում, նոր մեթոդ: Այս տարի արդեն ներդրել ենք ՙԳեմոսկանիրովոնիեն՚, որի մասին շատ լաբորատորիաներում չգիտեն: Մատից վերցված մեկ կաթիլ արյունով մենք կարողանում ենք պարզել էլեկտրոցիդների, լեյկոցիտների, արյան պլազմայի ֆունկցիոնալ վիճակները, ինչը հիվանդն ինքը պարզ տեսնում է էկրանի վրա: Դա ախտորոշման ոլորտում նորարարություն է և շատ մեծ հնարավորություններ ունի:
Այս բոլոր սարքավորումները միասին` մենք օգտագործում ենք հայկական նոր մեթոդով: Արդյունքում` վերականգնում ենք շատ հիվանդություներ. հենշարժական համակարգի` ոտքերի ցավ, այտուցում, գոնոարտրոզ, միջողային ճողվածք, առիթմիա, ճնշման տատանումներ, հոդացավեր, օստեոխոնդրոզ և այլն: Բացի այդ` տեսողական խանգարումները. կարճատեսություն, հեռատեսություն, տեսողական ներվի և ցանցաթաղանթի հիվանդություններ, որոնք շատ կլինիկաներ հրաժարվում են բուժել: Ասում են` բժիշկի միջամտությունն այլևս անհնար է, մինչդեռ` գալիս են մեզ մոտ և բուժվում - վերականգնվում են: Շատերը հայտարարում են նաև, թե լսողական խնդիրները` խլացումն անբուժելի է, ես պաշտոնապես հայտարարում եմ` մենք բուժում ենք: Բացի այդ` բավական լավ կարողանում ենք բուժել կամ թեթևացնել էնդոկրին հիվանդությունները` վահանաձև գեղձի ֆունկցիոնալ խանգարումները և այլն: Պետք է ասել, որ բավական լավ արդյունքներ ենք ստանում, մարդկանց հորմոնալ ֆոնն է կարգավորվում, ամբողջ օրգանիզմն ենք վերականգնում: Ախտահարված երիկամներն ենք վերականգնում, գանգրենաներն ենք կանխում, միզասեռական օրգանների հիվանդությունները, երիկամների բորբոքումները: Մենք` հիվանդի ապրելակերպն ենք կարգավորում: Երեխաների գիշերամիզությունն ենք բուժում, տղամարդկանց շագանակագեղձի բորբոքումները, ադենոման, պոտենցիայի խանգարումները: Կանանց մոտ` արգանդի միոման, բորբոքումները, չբերությունը: Բավական շատ են ինֆեկցիոն պոլիարտրիտներով դիմողներն, ովքեր երկար տարիներ տարբեր տեղերում բուժվել են, սակայն բարդացված խնդիրներով գալիս են մեզ մոտ: Սպորտային բժշկությունն է մեզ մոտ լավ զարգացած: Մենք մարզիկների ենք բուժել, ովքեր այդուհետ դարձել են աշխարհի, Եվրոպայի չեմպիոններ: Երևանյան հիվանդությունն ենք բուժում, որը շատ տեղերում համարվում է անբուժելի ...
- Ձեր թվարկած հիվանդություններն ու ախտորոշման հնարավորությունները միանգամից աղերսվում են հանրապետությունում գործող մի քանի հսկա, նեղ մասնագիտական բժշկական կենտրոնների գործունեության հետ: Այդ ամբողջը մի կենտրոնում, անհամեմատ փոքր տարածքում հնարավո±ր է կատարել և լավ արդյունք ստանալ:
- Ամեն ինչ հնարավոր է: Սկէնառ սարքն ամեն ինչն ախտորոշում է գլխուղեղի միջոցով: Այն անսահմանափակ հնարավորություն ունի վերականգնելու հիվանդի վիճակը: Մենք հիվանդության մասին ինֆորմացիան ստանում ենք գլխուղեղից, այնտեղ ազդում թիրախ օրգանների վրա և հանգեցնում առողջացման:
- Դուք մանրամասն նկարագրեցիք նորագույն բուժսարքավորումները, իսկ ի±նչ բուժանձնակազմով եք այդ ամենն անում:
- Մի քանի բուժքույրեր և մեկ բժիշկի օգնական: Մեր կենտրոնում կարողացել ենք մշակել համալիր մեթոդ, որն էլ կիրառում ենք բոլորս միասին:
- Ժողովրդական լեզվով ասած` բժշկության մեջ մեծ դեր ու նշանակություն ունի ներշնչանքը: Ասել է, թե Դուք կարծես հոգեբանական մեթոդներ եք կիրառում նաև` հիվանդության թիրախների հանդեպ:
- Մենք առաջնորդվում ենք նորագույն մեթոդներով: Ճի’շտ ախտորոշելու, ճի’շտ կողմնորոշվելու և ճի’շտ բուժելու ճանապարհով: Հոգեբանական մեթոդ, իհարկե, կա, բայց եթե ճիշտ չկողմնորոշվենք, պատճառը չգտնենք, ապա դա էլ իր ազդեցությունը չի ունենա:
- Հասկանալի է, որ այս կենտրոնում բուժսպասարկումը վճարովի է, վճարումների տատանողական սահմաններն ինչպիսի±ն են:
- Այսքան տարի գործունեության ընթացքում մենք չունենք պետական հովանավորչություն` պետպատվեր: Այստեղ վարձակալության հիմնունքներով ենք գործում: Ամբողջը հաշվարկված, մեր չորս սարքավորումներով ամբողջ օրգանիմզի բուժհետազոտությունը, որ տևում է 3 - 4 ժամ, արժե ընդամենը 35 հազար դրամ: Հավատացեք` ունեցել ենք հիվանդներ, ովքեր մեր հետազոտությունների արդյունքներում համոզվելու համար դիմել են տարբեր այլ ախտորոշիչ կենտրոններ, ծախսել 120 - 150 հազար դրամ, վերջում ասել են` Դուք ճի’շտ եք: Ավելին` մեզ մոտ համավճարային համակարգը չի գործում, հավելյալ վճարումներ չկան:
- Այս կենտրոն դիմած քաղաքացիների տվյալներն ինչպիսի±ն են: Այսօր, երբ պոլիկլինիկաներում բուժսպասարկումն անվճար է, քաղաքացիներն ավելի հետևողակա±ն են դարձել իրենց առողջության հանդեպ:
- Ես 31 տարվա աշխատանքային փորձ ունեմ, առողջապահության կազմակերպիչ եմ և գիտեմ, որ սոցիալական ծանր վիճակը շատ է բարդացնում քաղաքացիների առողջական վիճակը: Հիմա` շատերն են դիմում պոլիկլինիկաների բժիշկներին: Սակայն, երբ ՙդանակը ոսկորին է հասնում՚` դիմում են մասնագիտական բուժկենտրոններիս: Թեև` պրոֆիլակտիկան շատ մեծ նշանակություն ունի: Բացի այդ, մասնագետներն, առավել ևս բժիշկները, պետք է նյութապես ապահովված լինեն, իսկ պոլիկլինիկաների բժիշկների համար դա խնդիր է մնում: Այդ պայմաններում նրանք չեն կարող զբաղվել ինքնազարգացմամբ: Եվ, ամենագլխավորը` մեր հասարակությունը բժշկականորեն կրթված չէ: Դա միայն մեզանով չի լինի: Լավ կլիներ, որ պետպատվեր ունենային ոչ միայն պետական հիվանդանոցներն, այլև` ոչ պետական բուժհիմնարկներս: Այդ դեպքում` մրցակցությունը կլիներ ճիշտ և հավասար: Այլապես` հիմա հիվանդն է հիվանդ բերում: Դրական ազդեցությունը շրջապատում լավագույնս համարժեք ազդեցությունն է ունենում:
- Եվ վերջում. ունե±ք կարգախոս, որով առաջնորդվում եք:
- Այո’, ցանկացած հիվանդի կարելի է օգնել: Չկան անբուժելի հիվանդություններ, եթե ճիշտ բժշկական մոտեցում ցուցաբերվի: Առողջությունից թանկ բան չկա:
Հ.Գ. Առիթ ունեցանք նաև զրուցել ՙՍկէնառ՚ առողջության վերականգնման կենտրոնում բուժվող հիվանդների հետ.
Աշոտ Կիրակոսյանին ուրիշ հիվանդ է խորհուրդ տվել գալ այստեղ, նա երկրորդ օրն էր այցելում ՙՍկէնառ՚ կենտրոն, արդեն դրական արդյունք ուներ. ՙԴեմքիս ձախ կողմը ոչինչ չէր զգում, հիմա` լավ եմ արդեն՚:
Շաքարային դիաբետով հիվանդ Ավետիսը ճնշման տատանումով, ոտքերի ցավով է եկել այս կենտրոն` հարազատների օգնությամբ. ՙԷսօր արդեն մենակ եմ էկել, ինքնուրույն եմ տեղաշարժվում, ցավերս հանգստացել են: Առաջին օրը տեսնում էի կես մետրից` հիմա 4 - 5 մետրից նորմալ տեսնում եմ, գույներն էլ տարբերում եմ: Լավ ա, գոհ եմ, էլ ո±նց գոհ չլինեմ՚:
Հրազդանից Զոյան հենաշարժական խնդիրներով է հասել Երևան ու դիմել ՙՍկէնառ՚ կենտրոն. ՙԵս չէի կարող քայլել, սկզբնական շրջանում հույս չունեի, ինչ ճիշտն ա ճիշտ, բայց հիմա ես աշխարհի չափ գոհ եմ, որ քայլում եմ՚:
Միացյալ նահանգներից հայրենիք ժամանած Ժենյան այս կենտրոնի անհրաժեշտությունն զգում է և շատ գոհ է Ռուբեն Հարությունյանից. ՙԵթե բավարարված չլինեի` չէի գա: Պատահաբար հետուստատեսությամբ եմ լսել այս կենտրոնի մասին, անմիջապես զանգահարել, եկել եմ, դա 6 տարի առաջ էր: Հիմա էլ` եկել եմ Հայաստան, նորից եմ դիմում այստեղ և շատ գոհ եմ` պետք է շարունակեմ բուժումս՚:
Գայանե Բաբայանը` 10 տարեկան որդուն` Գևորգին այս կենտրոն է բերել այլ կլինիկայում տեսողության համակարգի վիրահատության վերջնագրով. ՙԱսացին, թե ուրիշ մեթոդ չկա: Լսեցինք այս կենտրոնի մասին, բերեցինք, 3 օր է անցել, արդեն 10 տոկոս լավացում կա: Բարեկամներից եմ լսել ՙՍկէնառ՚ կենտրոնի մասին՚:
ՙԱպացուցողական բժշկությունից ճիշտ բան չկա՚,- եզրակացրեց Ռուբեն Հարությունյանը:
