ԱԺ սոցիալական հարցերի մշտական հանձնաժողովի հերթական նիստի աշխատանքներին մասնակցում էր Բուհերի արհեստակցական կազմակերպությունների ճյուղային հանրապետական միության նախագահ Գառնիկ Վաղարշակյանը. ՙՀաճախ է խոսվում առողջ ապրելակերպի մասին, և որքան շատ է այն գովազդվում, այնքան ակնառու է դառնում իրականությունից կտրված լինելու ջրբաժանը: Անկախ հասարակարգից, իշխանությունների ապրելակերպից, օլիգարխների քանակից, շոուների բազմազանությունից, թիկնապահների տեսքից և ընդդիմության վարժանքներից, հասարակության գերակշռող մասի առողջական վիճակը հեռու է շարային պիտանելիության համար, բժշկի դեղատոմսերը և խորհուրդներն անիրագործելի են շարքային մահկանացուների համար, սոցիալական նպաստների արժեզրկված օգնությունը անբավարար է նվազ զամբյուղի պարունակության համար՚:
Այս ամենի մասին խոսվում է ոչ միայն ընտանիքներում, կոլեկտիվներում, փողոցներում և մշակույթի օջախներում, այլև ԱԺ-ի նիստերում և ՀՀ կառավարության նախագծերի տողատակերում: Աղքատության հաղթահարման ռազամավարության ծրագիրը դրա վառ վկայությունն է, իսկ վիճակագրությունը փաստում է, որ Հայաստանում աղքատության շեմը 32 - 35 տոկոսի վրա է, եթե խնդիրն ավելի ռեալ դիտարկենք` ավելի բարձր թիվ կարձանագրվի: Ի դեպ, վերջին տարիներին ՙԿենսաապահովման նվազագույն զամբյուղի և կենսաապահովման նվազագույն բյուջեի մասին՚ ՀՀ օրենքի նախագծում ներկայացվող հաճախակի փոփոխությունների և լրացումների դրույթներն առայժմ անօգտակար են ամենօրյա կյանքի նվազագույնը բավարարելու համար: Եվ ահա առօրյա դժվարություններից խուսանավելու նպատակով կազմվում են երկարաժամկետ, հավակնոտ ծրագրեր մանկության և մայրության, թշվառության հաղթահարման, գերության և ծերության, երիտասարդության և մտավորականության պահպանման, սահմանամերձ շրջանների և Հյուսիսային պողոտայի բնակեցման բազմաբնույթ ծրագրերի համար: Ինչ խոսք, որ դրանց մի մասը կիրագործվի հատկապես մայրաքաղաքի Հյուսիսային պողոտայի անմարդաբնակ տարածքը արտոնություններով տրամադրելու պարագայում:
Նախորդ շաբաթ հերթական անգամ ԱԺ սոցիալական հարցերի մշտական հանձնաժողովի քննարկմանն էր ներկայացվել ՙԿենսապահովման նվազագույն զամբյուղի և կենսապահովման նվազագույն բյուջեի մասին՚ ՀՀ օրենքում փոփոխություններ և լրացումներ կատարելու մասին օրինագիծը: Որոշ հարցերի քննարկումը 60 օրով հետաձգվեց: Իսկ Արծվիկ Մինասյանի և այլ ԱԺ պատգամավորների նախաձեռնությամբ ներկայացված հարցը տեղափոխվեց մեծ օրակարգ: Սակայն հարցը միայն մեծ օրակարգ տեղափոխելը չէ, այլ այն, որ Կենսաապահովման նվազագույն զամբյուղի և կենսաապահովման նվազագույն բյուջեի կազմը և կառուցվածքը ճշգրտված չէ մինչև օրս, մինչև օրս ամբողջությամբ մշակված չէ մարդու առողջության պահպանման, միջազգային չափանիշների և չափորոշիչների հայկական կամ հայաստանյան նվազագույն զամբյուղի պարունակությունը առողջապահության տեսակետից: Հայաստանը եվրոպական ընտանիքին անդամագրվում է` սնուցման ոչ լիարժեք չափաբաժնով, շուրջ 2400 կկալ մեկ մարդու համար, որը հաշվարկված է զարգացող երկրների համար, ասենք` Սոմալիի, իսկ զարգացած երկրների համար կկալ-ի ցուցանիշը 3400-ն է: Բացի այդ` զամբյուղի պարունակությունը խղճուկ է` շուրջ 25 - 30 տեսականի, ապրանքատեսակ` հիմնականում հացահատիկային լայն տեսականի:
Պատահական չէ, որ մարդու կենսագոյության նվազ ապահովման մասին հարցը չի քննարկվում ԱԺ Մայրության, առողջապահության և առողջության պահպանման հանձնաժողովում, քանզի բժշկական եզրակությունը կարող էր լինել շատ անսպասելի` ՙՄի±թե այս զամբյուղով կարելի է ապրել՚ կամ, ասենք, ՙՍա ապրող մարդու զամբյուղ չէ՚: Ինչևէ ... ՙԱռողջ ապրելակերպ՚-ը կարելի է ժամանակավորապես գովազդի ստենդից հանել և բավարարվել ֆիզիկական գոյության հիմնահարցերով: Սա առավել գործնական է և օգտակար կլինի ազգաբնակչության համար` մինչև որ հասնենք զարգացած երկրների կենսաապահովման մակարդակներին` 3400 կկալ մեկ մարդու համար: Ինչևէ, օրակարգի հարցերը քննարկվեցին այնպես, ինչպես կցանկանար ՀՀ կառավարությունը:
Այնուհետև հայտարարվեց փակ նիստ անցկացնելու մասին` առանց հրավիրվածներիս, իսկ համացանցից տեղեկացանք, որ նույն օրը ԱԺ սոցիալական հարցերի մշտական հանձնաժողովի պատգամավորները դռնփակ նիստում հանդիպել են Համաշխարհային բանկի հայաստանյան գրասենյակի ղեկավար Ժան Միշել Ափփիին և ՀԲ հայաստանյան գրասենյակի արտաքին կապերի պատասխանատու Վիգեն Սարգսյանին: Քննարկվել են հանրապետությունում մեկնարկած կենսաթոշակային համակարգի բարեփոխմանը և քաղծառայողների աշխատավարձերին առնչվող հարցեր: Այս երկուսի մեջ, ես մի ընդհանուր կապ եմ տեսնում: Փոխանակվել են տեսակետներ և ՀԲ հայաստանյան գրասենյակի ղեկավարը` համաձայնելով հնչած տեսակետների հետ, նշել է, որ կենսաթոշակային համակարգի բարեփոխումների և քաղծառայողների աշխատավարձերի առնչությամբ ՀԲ-ը նախատեսում է իրականացնել առաքելություններ: Պարոն Ժան Միշել Ափփիին նշել է, որ այլ հարցերի համատեքստում ՀՀ կառավարության հետ քննարկվել են աշխատավարձերի հարցերը՚: Հարց է. եթե ուզում են քաղծառայողների աշխատավարձերը վերանայել, ապա դա ինչո±ւ են կապում կենսաթոշակային բարեփոխումների հետ: Ուրեմն, այդ շաղկապումը ենթադրում է քաղծառայողների աշխատավարձերը կենսաթոշակային բարեփոխումների անվան տակ բարձրացնելու մասին, ինչը` շատ վատ է, իսկ կենսաթոշակառուների խնդիրները շարունակում են մնալ անորոշ ու մշուշոտ ...
Գառնիկ ՎԱՂԱՐՇԱԿՅԱՆ
Բուհերի արհեստակցական
կազմակերպությունների ճյուղային հանրապետական միության նախագահ
Նախորդ շաբաթ հերթական անգամ ԱԺ սոցիալական հարցերի մշտական հանձնաժողովի քննարկմանն էր ներկայացվել ՙԿենսապահովման նվազագույն զամբյուղի և կենսապահովման նվազագույն բյուջեի մասին՚ ՀՀ օրենքում փոփոխություններ և լրացումներ կատարելու մասին օրինագիծը: Որոշ հարցերի քննարկումը 60 օրով հետաձգվեց: Իսկ Արծվիկ Մինասյանի և այլ ԱԺ պատգամավորների նախաձեռնությամբ ներկայացված հարցը տեղափոխվեց մեծ օրակարգ: Սակայն հարցը միայն մեծ օրակարգ տեղափոխելը չէ, այլ այն, որ Կենսաապահովման նվազագույն զամբյուղի և կենսաապահովման նվազագույն բյուջեի կազմը և կառուցվածքը ճշգրտված չէ մինչև օրս, մինչև օրս ամբողջությամբ մշակված չէ մարդու առողջության պահպանման, միջազգային չափանիշների և չափորոշիչների հայկական կամ հայաստանյան նվազագույն զամբյուղի պարունակությունը առողջապահության տեսակետից: Հայաստանը եվրոպական ընտանիքին անդամագրվում է` սնուցման ոչ լիարժեք չափաբաժնով, շուրջ 2400 կկալ մեկ մարդու համար, որը հաշվարկված է զարգացող երկրների համար, ասենք` Սոմալիի, իսկ զարգացած երկրների համար կկալ-ի ցուցանիշը 3400-ն է: Բացի այդ` զամբյուղի պարունակությունը խղճուկ է` շուրջ 25 - 30 տեսականի, ապրանքատեսակ` հիմնականում հացահատիկային լայն տեսականի:
Պատահական չէ, որ մարդու կենսագոյության նվազ ապահովման մասին հարցը չի քննարկվում ԱԺ Մայրության, առողջապահության և առողջության պահպանման հանձնաժողովում, քանզի բժշկական եզրակությունը կարող էր լինել շատ անսպասելի` ՙՄի±թե այս զամբյուղով կարելի է ապրել՚ կամ, ասենք, ՙՍա ապրող մարդու զամբյուղ չէ՚: Ինչևէ ... ՙԱռողջ ապրելակերպ՚-ը կարելի է ժամանակավորապես գովազդի ստենդից հանել և բավարարվել ֆիզիկական գոյության հիմնահարցերով: Սա առավել գործնական է և օգտակար կլինի ազգաբնակչության համար` մինչև որ հասնենք զարգացած երկրների կենսաապահովման մակարդակներին` 3400 կկալ մեկ մարդու համար: Ինչևէ, օրակարգի հարցերը քննարկվեցին այնպես, ինչպես կցանկանար ՀՀ կառավարությունը:
Այնուհետև հայտարարվեց փակ նիստ անցկացնելու մասին` առանց հրավիրվածներիս, իսկ համացանցից տեղեկացանք, որ նույն օրը ԱԺ սոցիալական հարցերի մշտական հանձնաժողովի պատգամավորները դռնփակ նիստում հանդիպել են Համաշխարհային բանկի հայաստանյան գրասենյակի ղեկավար Ժան Միշել Ափփիին և ՀԲ հայաստանյան գրասենյակի արտաքին կապերի պատասխանատու Վիգեն Սարգսյանին: Քննարկվել են հանրապետությունում մեկնարկած կենսաթոշակային համակարգի բարեփոխմանը և քաղծառայողների աշխատավարձերին առնչվող հարցեր: Այս երկուսի մեջ, ես մի ընդհանուր կապ եմ տեսնում: Փոխանակվել են տեսակետներ և ՀԲ հայաստանյան գրասենյակի ղեկավարը` համաձայնելով հնչած տեսակետների հետ, նշել է, որ կենսաթոշակային համակարգի բարեփոխումների և քաղծառայողների աշխատավարձերի առնչությամբ ՀԲ-ը նախատեսում է իրականացնել առաքելություններ: Պարոն Ժան Միշել Ափփիին նշել է, որ այլ հարցերի համատեքստում ՀՀ կառավարության հետ քննարկվել են աշխատավարձերի հարցերը՚: Հարց է. եթե ուզում են քաղծառայողների աշխատավարձերը վերանայել, ապա դա ինչո±ւ են կապում կենսաթոշակային բարեփոխումների հետ: Ուրեմն, այդ շաղկապումը ենթադրում է քաղծառայողների աշխատավարձերը կենսաթոշակային բարեփոխումների անվան տակ բարձրացնելու մասին, ինչը` շատ վատ է, իսկ կենսաթոշակառուների խնդիրները շարունակում են մնալ անորոշ ու մշուշոտ ...
Գառնիկ ՎԱՂԱՐՇԱԿՅԱՆ
Բուհերի արհեստակցական
կազմակերպությունների ճյուղային հանրապետական միության նախագահ
No comments:
Post a Comment